لا

طول عمري نفسي أعرف ليه أي عضو غير الحزب الحاكم أسمه معارضه

هل لأنه بيعارض الحكومة في اللي بتقوله، أو بيعترض عليه

أو مخالف لرأيها علي طول الخط

يعني الحكومة تقول كلمة، دول يقوموا واقفين و معارضين الكلام ده

او يمكن اسمها كده علشان دول الناس اللي بيقفوا معانا في وش الحكومة

بس مافيش مره يقفوا مع الحكومة في اي قرار

للدرجة دي الحكومة ما بتعملش أي صح

ينفع؟؟؟؟

أكيد في حاجات صح كتير بتعملها و إلا دي تبقي مصيبه

أو علي الأفل كان زماني ماشي أشحت في الشوارع

صحيح كل مكان فيه الكويس و الوحش ( حتي الحكومة طبعا )

ما إحنا كمان فينا الكويس و الوحش 

فينا التاجر الجشع و الميكانيكي الحرامي و اللبان الغشاش و الفكاهاني اللي بيطب و الجزار اللي بيحط شغت

و فينا الأمين و المحترم و اللي يرجعلك فلوسك لو نسيتها و اللي يديك حقك

يعني كل مكان فيه كويس و فيه وحش

بس ليه دايما الحكومة هي الوحش علي طول الخط

بالرغم من انها بتعمل حاجات كويسه

ليه ما نوقفش معاها في الحق و ضدها في الباطل

ليه المعارضة معارضة و بس

ليه كمان متتبناش قرارات

ولا ده عيب

عيب يابني ، تبقي مع الحكومة ازاي  ( انت حزب زطني ولا ايه )

لأ انا مش بقول نبقي معاها علي طول 

بس المشكلة اننا ضدها علي طول 

وده غلط 

لإن ده ينكر إنجازتهم و يخليها متفرقش معاهم بعد كده يشتغلو او ميشتغلوش

العدل اني اقف معاهم في الحق و ضدهم في الباطل 

لإن لو سيناريو المعارضه المطلقه دي فضل كده علي طول 

يبقي البلد دي عمرها ما هتتفدم

ليه ؟؟

لإننا دايما هنعلق كسلنا و إستهتارنا و اللا مبالاه علي الدولة و دايما الحكومه هي السبب

لا ده انا و انت و كل الناس 

نعمل اللي علينا و نساعد الحكومه في الحق و بعدين لو محصلش نتيجه نبقي نعارضها

100000 مكالمة تليفون للإسعاف 700 منهم صح ( لا تعليق )

للأسف هو ده المصري دلوقتي 

يمكن المشكله دي تكون الحكومه السبب فيها

انا عرفت ؟

ايوة هي السبب 

علشان كان المفروض، يغيروا رقم الإسعاف و ميدوش الرقم الجديد لحد






تعليقات

إرسال تعليق

المشاركات الشائعة من هذه المدونة

احمد عصمت

في احد شوارع مصر الجديدة  : انا: احمد عصمت ؟ انا: احمد عصمت ؟ انا: احمد عصمت ؟ . . انا: احمد عصمت ؟ بعد نصف ساعة انا: احمد عصمت ؟ انا: احمد عصمت ؟ بعد ساعة إلا ربع انا: احمد عصمت ؟ انا: احمد عصمت ؟ السائق : 10 ثوان من التمتمة والهمهمة و التفكير السائق: اركب انا: و الله فيك الخير, انا بقالي ساعة الا ربع واقف  السائق : اه طبعا تقف. انا: محدش عاوز يوصلني السائق : اه ما انا ماكنتش هوصلك.  انا: ايوه ايه الفكره يعني ما انا هادفع فلوس. السائق: اصل احمد عصمت ده, لا لا لا لا لا ما ادخلوش ابدا لو هتديني ايه. انا: في سري "علي اساس انك متربي في الزمالك يعني" انا: طب انا شغال في المعادي و مره وققت نص ساعة علشان محدش راضي يوصلني السائق : اه طبعا تقف انا: طب المعادي مالها بقي السائق: انا ما اطلعش المشوار ده , اخره هيعمل كام يعني 30 جنيه  و هرجع فاضي. انا : .
قراءة المزيد

كله ماشي

في موضه طالعه جديد ، هي مش جديده قوي بس يعني من كام سنه كده و هي إن كل لما حد يفكر يعمل مشروع تجاري أو إستثماري في مجال معين و ينجح تلاقي مصر كلها بتعمله، بسرعة رهيبه و إنتشار رهيب طبعا مستحيل الواحد يحصر التجارات دي لإنها كتير قوي  أعتقد ان الموضوع في مصر بدأ بالصيدليات في فتره من الفترات و بعد كده محل موبايلات، سنترال، نت كافيه، سيبر، ملابس لمركات مضروبه، عصير قصب، ميكروباص و تاكسي، نغمات،  واحد واقف في اي حته و في جيبه شوية موبايلات و الدقيقه ب 75 قرش، عطور، فراخ،  ستيراد اي حاجة من الصين و تغريق السوق بيها، توك توك، قهوه و شيشا و  ART إشتراك وصلة ب 30 جنية تلفزيون و نت، تجارة الأراضي و العقارات طبعا انا مستحيل أحصر الحاجات كلها لكن معظمها كان في وقت قريب هي المشكله مش في التجارة، المشكلة في اسلوب التجارة زمان كان في المدرسة اسمع كلمة ( القطع الجائر للأشجار ) علي إنها يعني أحد مشكلات التصحر هو قطع الأشجار مش غلط بس مش كده برضو الأسلوب الجائر للتجارة يؤدي الي كوارث علي فكره زمان الناس كانت بتفكر شويه عن دلوقتي  و كانوا مقسمين المواضيع و مظبطينها كان في حاجه إسمها (كار)  - ده كار و لي...
قراءة المزيد